وَالشَّمْسِ وَضُحَاهَا ١

సూర్యుని మరియు దాని ఎండ సాక్షిగా! ¹

وَالْقَمَرِ إِذَا تَلَاهَا ٢

దాని వెనుక వచ్చే చంద్రుని సాక్షిగా!

وَالنَّهَارِ إِذَا جَلَّاهَا ٣

ప్రకాశించే పగటి సాక్షిగా!

وَاللَّيْلِ إِذَا يَغْشَاهَا ٤

దానిని క్రమ్ముకొనే, రాత్రి సాక్షిగా!

وَالسَّمَاءِ وَمَا بَنَاهَا ٥

ఆకాశం మరియు దానిని నిర్మించిన ఆయన (అల్లాహ్‌) సాక్షిగా!

وَالْأَرْضِ وَمَا طَحَاهَا ٦

భూమి మరియు దానిని విస్తరింపజేసిన ఆయన సాక్షిగా!

وَنَفْسٍ وَمَا سَوَّاهَا ٧

మానవ ఆత్మ మరియు దానిని తీర్చిదిద్దిన ఆయన సాక్షిగా! ²

فَأَلْهَمَهَا فُجُورَهَا وَتَقْوَاهَا ٨

ఆ తరువాత ఆయనే దానికి దుష్టతనాన్ని మరియు దైవభీతిని తెలియజేశాడు. ³

قَدْ أَفْلَحَ مَن زَكَّاهَا ٩

వాస్తవానికి తన ఆత్మను శుధ్ధపరచుకున్న వాడే సఫలుడవుతాడు.

وَقَدْ خَابَ مَن دَسَّاهَا ١٠

మరియు వాస్తవానికి దానిని అణగద్రొక్కిన వాడే విఫలుడవుతాడు. ⁴

كَذَّبَتْ ثَمُودُ بِطَغْوَاهَا ١١

స'మూద్‌ జాతి తలబిరుసుతనంతో (ప్రవక్తను) అసత్యవాదుడవని తిరస్కరించింది; ⁵

إِذِ انبَعَثَ أَشْقَاهَا ١٢

తమలోని పరమ దుష్టుడు (ఆ దుష్కార్యం చేయటానికి) లేచినప్పుడు;

فَقَالَ لَهُمْ رَسُولُ اللَّـهِ نَاقَةَ اللَّـهِ وَسُقْيَاهَا ١٣

అల్లాహ్‌ సందేశహరుడు('సాలి'హ్‌) వారితో: "ఈ ఆడఒంటె అల్లాహ్‌కు చెందింది. కాబట్టి దీనిని (నీళ్ళు) త్రాగనివ్వండి!" అని అన్నాడు.

فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُم بِذَنبِهِمْ فَسَوَّاهَا ١٤

అయినా వారు అతని('సాలి'హ్‌) మాటను అబద్ధమని తిరస్కరించారు. మరియు దాని (ఆ ఒంటె) వెనకకాలి మోకాలి నరాన్ని కోసి, కుంటి దాన్ని చేసి చంపారు. ⁶ కాబట్టి వారి ప్రభువు వారి పాపానికి పర్యవసానంగా వారిమీద మహా విపత్తును పంపి వారందరినీ నాశనంచేశాడు.

وَلَا يَخَافُ عُقْبَاهَا ١٥

మరియు ఆయన (అల్లాహ్‌) దాని పర్యవసానాన్ని గురించి భయపడలేదు! ⁷